MET Wynand van Vollenstee, Thiart Li, Stephanie Baartman en Marissa Claasen TEKS EN REGIE Wynand van Vollenstee
Gedeelde badkamers. Alewige geraas. Buisligte wat permanent brand. Skerp reuke wat ander reuke probeer verdoesel. Kieme wat aan alles vasklou en die vriendelike kombuispersoneellid wat jou probeer oortuig jy bestel van ’n top à la carte-spyskaart af. ’n Skreeusnaakse, absurde komedie wat almal wat al ooit iets met ’n hospitaal te doen gehad het, gaan laat skaterlag en soms ’n traan laat wegpink. Veertien karakters vertel hul eie storie oor prosedures, verhoudings en familie, soos net in ’n hospitaal opgedis kan word.
