Die sewe doodsondes

Terwyl oorlogswolke in 1933 oor Duitsland saampak, kom Bertolt Brecht en Kurt Weill in Parys byeen om ’n laaste werk te skep - die “balletlied-siklus” Die Sewe Doodsondes. Hierdie snydende anti-kapitalistiese satire volg die skisofreniese Anna op haar “reis van sonde” deur Amerika terwyl sy probeer geldmaak om huis toe te stuur na haar lui familie. Charl-Johan Lingenfelder se radikale verwerking put inspirasie uit ’n onvoltooide manuskrip deur Hennie Aucamp. Bianca le Grange lei ’n geselskap van twintig dansers, sangers en musikante.