Klein Libertasteater Tienertoneelfees

Ten spyte daarvan dat die Klein Libertasteater steeds op soek is na ’n geskikte gebou om met sy kommersiële bedrywighede te kan voortgaan, doen die bestuur hulle bes om steeds met die gemeenskapswerk en jaarlikse toneelfeeste voort te gaan. Vanjaar word die sewentiende Klein Libertasteater Tienertoneelfees in die Drostdyteater in Stellenbosch aangebied vanaf 5 tot 9 Augustus en bestaan die beoordelaarspan uit Waldemar Schultz, Oscar Petersen en Elsabé Daneel.

Deelnemers aan die 2024 Klein Libertasteater Tienertoneelfees is: Laerskole Bastion, De Hoop, Durbanville en Hoërskole Strand, Stellenbosch, Bernadino Heights, Durbanville, Bloemhof, Tygerberg en Paul Roos Gimnasium. Die terugvoer wat die deelnemers van professionele akteurs ontvang na hulle optredes by die Klein Libertasteater Tienertoneelfees was nog altyd vir hulle van onskatbare waarde om hul werk te verbeter.