TOYOTA MUSIEKFEES: Die Theuns Jordaan Liedjieboek

Nie net was Theuns Jordaan ’n sanger en liedjieskrywer van formaat nie, hy het ook die gawe gehad om ander liedjieskrywers se werk sielvol weer te gee. Van die grootste name in Afrikaanse musiek kom byeen om hulde te bring aan hierdie unieke kunstenaar wie se stem nog lank geluister gaan word. Theuns se grootste treffers, soos “Namibsroos”, “Soos bloed”, “Roeper van my hart”, “Hartseer vir die reën” asook “Voor die storm kom”, is deel van die program.