Albatros

Drama

MET Louw Venter en Ben Albertyn TEKS Louw Venter REGIE Tara Notcutt STEL- EN BELIGTINGSONTWERP Wolf Britz

Albatros is die aangrypende verhaal van ’n pa en seun se soeke na versoening, en ook om vrede in hulself te vind. Tragiese gebeure veroorsaak dat ’n jong Benjamin alleen sy babaseun, Abel, grootmaak. Jare later ontwikkel Abel soortgelyke probleme as sy pa, en skielik word hulle gekonfronteer met die spoke van die verlede. Benjamin is besig om ’n boot te bou en probeer sy seun by die bouery betrek om sodoende tot hom deur te dring. Dis tragedie, dis komedie, dis al die dinge wat mans so sukkel om onderling gesê te kry.